Баурап алар бір ақ ауыз сәлемі Бұрымды қыз - әдепті де әдемі Бұрымды қыз - ақылына көркі сай Тұнып тұрған сұлулықтың әлемі.

Қыз бұрымы қашан да сұлулықтың символы мен әсемдік белгісі ретінде сипатталып келген. Бұл күнде халқымыздың дәстүрінің бір бөлшегі болған бұрымды қыздар  арамызда жоқ емес.

 Қыз баланың биязылығы мен сымбатының көрінісі болған қолаң шашты, бұрымды қыздарымызды тәрбиелілікке, инабаттылыққа баулу мақсатында

7 маусым күні жазғы лагерь іс-жоспары аясында 2-6 сынып оқушылары арасында "Бұрымды қыз" байқауы ұйымдастырылды. байқауға қатысқан арулар 2 кезең бойынша сынға түсті. бірінші кезеңде қыздарымыз өзін - өзі таныстырады және дефиле жасады. Бұнда аруларымыздың тіл көркемдігі және сырт сымбаты, жүріс тұрысы сынға түсті. Екінші кезең  «Ақылды қыздар» деп аталды. Байқауымыздың бұл бөлімінде қыздарымызға ұлттық салт-дәстүрлер туралы сұрақтарға жауап берді.

Байқау нәтижесінде І орынды Ерланқызы Алинара иеленсе екінші орынды Байменова Аяна, Каримова Сакина, Сегізбай Арайлым иеленді. үшінші орынға Казаченко Мирабель, Казаченко Анастасия, Хафугуева Амалия  лайық деп табылды. Қалған аруларымыз "қылықты қыз", "Білімді қыз", "Көрікті қыз", "Сұлу шаш", "Сәнді шаш", "Жібектей шаш" номинацияларын иеленді.