🔰«Сенде бір кірпіш дүниеге кетігін тап та бар қалан»

Елімізге белгілі педагогикалық салада жемісті еңбек етіп жүрген түлектердің табысты өмір жолын жас ұрпаққа үлгі ету, педагогикалық міндетін жүзеге асыру жолындағы өмірлік тәжірбиелерімен бөлісу мақсатында 2023 жылдың 17 ақпанында «Жомарт түлек» жобасы аясында «Сенде бір кірпіш дүниеге кетігін тап та бар қалан» тақырыбы бойынша мектебіміздің 1985 жылғы түлегі Искакова Фарида Анваровнамен жоғарғы сынып оқушыларының кездесуі өтті. 

Білім беру саласының дамуына сүбелі үлес қосып жүрген Фарида Анваровна жоғары санатты мұғалім, республикалық олимпиадалардың жеңімпазы. Кездесу барысында өзі білім нәрімен сусындатқан білім алушыларға ең алдымен білім алуы керектігін атап өтті. Фарида Анваровна білім алушыларға өмірде мамандық таңдаудан қателеспеу керектігін, өзі жүріп өткен сара жолда кездескен қиындықтардың арқасында шыңдалғанын айта отырып, кімде-кім болашақта биіктерді бағындырғысы келсе төзімділік қажет деді. Қазіргі жастардың міндеті жарқын болашаққа сену екендігін атап айтты.