«Табиғаттың әсемдігі» табиғат аясында демалыс

Мектеп жанындағы «Достық» жазғы лагерінде 2025 жылдың 11 маусым күні «Табиғаттың әсемдігі» тақырыбында табиғат аясында серуен және демалыс ұйымдастырылды.

Саябаққа сачхат Тараз қаласындағы Орталық саябақта өткізілді. Бұл шараның басты мақсаты – оқушылардың табиғатқа деген сүйіспеншілігін арттыру, эстетикалық талғамын дамыту, салауатты өмір салтын насихаттау және белсенді демалыс түрлерін ұйымдастыру болды.

Саяхат барысында оқушылар табиғаттың көркем бейнесін тамашалап, таза ауада серуендеп, бір-бірімен еркін қарым-қатынас орнатты. Балалармен табиғатты қорғау туралы әңгіме жүргізіліп, экологиялық тәрбиеге ерекше назар аударылды. Сонымен қатар, оқушылар түрлі аттракциондарға мініп, көңіл көтерді, көңілді ойындар ойнады

Орталық саябақтың жасыл желекке бөленген табиғи көрінісі, кең алаңы, тыныш әрі таза ортасы балаларға жағымды әсер қалдырды. Іс-шара соңында оқушылар алған әсерлерімен бөлісіп, табиғатты аялау туралы өз ойларын ортаға салды.

Бұл демалыс күнінің оқушылар үшін маңызы зор болды. Олар тек демалып қана қоймай, табиғаттың адам өміріндегі рөлі туралы ой түйді. Балалар белсенділік танытып, бір-біріне қолдау көрсетіп, ұйымшылдықтарын көрсете білді.