🗳️ӨЗІН-ӨЗІ БАСҚАРУ ҰЙЫМЫНЫҢ САЙЛАУЫ

Оқушылардың білімге құштарлығын арттыру, өзін-өзі басқару жұмысына жетелеу, ұжымдық жауапкершілікті сезіне білуге қалыптастыру, оқушының дүниетанымын, жан-жақты ойлау қабілетін, ой-өрісін дамыту, көп ізденуге, бірін-бірі тыңдап, өз ойын еркін айтуға дағдыландыру, мектепке деген құрмет сезімін ояту, көшбасшылық қасиеттерін қалыптастыру мақсатында оқушылардың өзін-өзі басқару ұйымының Мектеп Президентін сайлауы 2024 жылдың 18 қазанында белгілінген ережелерге сәйкес ашық дауыс беру негізінде өткізілді.

14-16 қазан аралығында үгіт насихат жұмыстары жүргізіліп, сайлауға 5-11 сынып оқушылары және ұстаздар қатысты. Голосоватьге барлығы 298  сайлаушы қатысты.

Сайлауды өткізу барысында сайлау ережелері сақталып, байқаушылар мен сенімді өкілдер қызметтерін өз дәрежесінде атқарды. 

Сайлау комиссиясы дауыстарды қарап, нәтижесінде басым дауыспен 9 «Ә» сынып оқушысы Нурова Мадина 2024-2025 оқу жылының Мектеп Президенті болып сайланды. Мадинаға өзін-өзі басқаруда, мектеп парламенті президентінің жұмысын ұйымдастыруда сәттілік тілейміз!