🔰«Үлгілі оқушы», «Үлгілі сынып» челленджі

Мағжан Жұмабаев: «Жас бала – жас шыбық, жас күнде қай күйде иіп тастасаң, есейгенде сол иілген күйінде қатып қалмақ» деп түйіндеген екен. Оқушы дегеніміз – мектеп партасында отырған өмірге бейімделуші адам.

 Оқушы – табиғаттың бір бөлшегі, тұлға. Оқушыларды даралыққа жетелер алғашқы қадам – шығармашылық.

 Мектебіміздің бойында түрлі ерекше қасиеттермен ерекшеленетін оқушыларды анықтау, олардың үлгі болатындай қасиеттерін дәріптеу, талантты, талапты оқушыларды анықтау, мектепте өзін-өзі басқарауы, өз-өзіне мақсат қоюы, оны жоспарлауы, шабыт, ізденімпаздық, еңбекқорлық, белсенділік, қызығушылық сияқты көптеген қасиеттерді бойына сіңіре отырып, өз еңбегінің нәтижесін көруге, оны бағалауға бағыттау мақсатында «Еңбекқорлық және кәсібибіліктілік» құндылығы аясында «Үлгілі оқушы», «Үлгілі сынып» челленджі ұйымдастырылды.

 Челлендж нәтижесі бойынша креативтілік, әлеуметтік маңыздылығы жағынан талаптарға сай 10 «Ә» сыныбы - І орын, 6 «А», 7»А» сыныптары - ІІ орын, 6 «В» сыныбы – ІІІ орын, 5 «Г», 6 «Г», 7 «В» сыныптары алғыс хаттармен марапатталды.