🔰2024 жылдың 02 сәуірінде 2-ПБ полиция лейтенанты А.К.Абдралиев пен мектеп әкімшілігі тарапынан 5-11 сынып ұлдары арасында жиналыс өткізілді.

Күн тәртібінде:

1. Жасөспірім және заң тақырыбында баяндама мектеп инспекторы: А.К.Абдралиев;

2. Балалардың жолдағы қауіпсізідігі. ДТІЖО Л.Колдасова, А.К.Абдралиев;

3. «Мектеп Жарғысын сақтау, мектептің ішкі тәртібін сақтау-оқушының міндеті» ДҚТІЖО З.Ә.Умбетбаева;

Бірінші мәселе бойынша: Жасөспірім және заң тақырыбында №2ПБ полиция инспекторы А.К.Абдралиев баяндады. Құқықтық тәрбие – кәмелетке толмағандар арасында заң ұғымдарын насихаттай отырып, жасөспірімдерді қажетті заңдылық біліммен қамтамасыз етуді мақсат етеді. Жастарды заңның негізгі принциптерін біліп қана қоймай оны меңгере білуге де үйрету қажет. Тақырып бойынша оқушылар тарапынан сұрақтар қойылып, ол сұрақтар бойынша нақты жауаптар берілді. Оқушыларға әкімшілік және қылмыстық жауапкершіліктің айырмашылығы баяндалды.

Екінші мәселе бойынша: Балалардың жолдағы қауіпсізідігі. ДТІЖО Л.С.Колдасова, А.К.Абдралиев оқушыларға жол жүру ережелерін таныстырып қана қоймай, оларды жол жүру қауіпсіздігі мен жолда жүру мәдениетін сақтауға шақырды. Түсіндіру жұмыстары барысында көше мен жол бойына қойылатын арнайы белгілер туралы да айтылды.  Оқушыларға жол заңы дұрыс жүріп, абай болуды талап ететіндігі түсіндірілді.

Үшінші мәселе бойынша ДҚТІЖО З.Ә.Умбетбаева ішкі тәртіп ережелері туралы, оқушының міндеті жайында сөз қозғады.