Ұлттық киім күні – ата-бабалар мұрасын бүгінгі ұрпаққа жеткізудің, насихаттаудың, әрі жастарды тарихи болмысқа жақындатудың тамаша жолы. 

Ұлттық киімдеріміз – шеберліктің, сән-салтанаттың, ұрпақ сабақтастығының көрінісі, ұлттық болмысымыздың негізі. 

18-наурыз күні Ұлыстың Ұлы күніне арналған "Наурызнама" іс-шаралар жоспарына сәйкес "Этно-fashion" ұлттық киімдер дефилесі өткізілді. Кестелі оюлармен көмкерілген бешпет киген тұлымдылар мен шашбау таққан бұрымдыларға көзің сүйсінеді. 

Ұлттық құндылықтарды дәріптеу, ұлттық киімнің маңыздылығын насихаттау мақсатында ұйымдастырылған іс-шараға қатысқан ұстаздар мен оқушылар белсене қатысып,  мәдени мұрамызды насихаттап қана қоймай, әр киімнің сырына терең үңіліп, білімін арттырады.