Мектеп жанындағы Достық» жазғы лагерінде спорт күніне орай «Шаңғысыз биатлон» спорттық сайыс ұйымдастырылды. 

Бұл іс-шара оқушылардың денсаулығын нығайтуға, спортқа деген қызығушылығын арттыруға және мектепішілік достық қарым-қатынасты дамытуға бағытталды.

Сайысқа мектептің «Космос»,  «Барсы» , «Қыран», «Жалын» отрядтары қатысты. Жарыс бірнеше спорт түрлері бойынша өткізілді: 

І кезең: «Баклажкамен жүгіру»

ІІ кезең «Медуза жарысы»

ІІІ кезең: «Баспен пас бер»

ІV кезең: «Соқыр жүгіру»

V кезең: «Қағаз жолы» сияқты спорттық жарыстар.

Іс-шара басталар алдында барлық қатысушыларға спорттық ережелер мен қауіпсіздік шаралары бойынша нұсқаулықтар берілді.

Жарыс барысында оқушылар командалық рухты көрсетіп, өздерінің спорттық дайындығын паш етті. Әсіресе, «Қыран» отряды жоғары деңгейде өнер көрсетті. Олар барлық кезеңдерде жақсы нәтиже көрсетіп, жалпы есепте І орынды жеңіп алды. «Барсы» отряды» ІІ және «Жалын» отряды ІІІ орынға ие болды. «Космос» отряды Алғыс хатпен марапатталды. 

Спорттық сайыстың қорытындысында жеңімпаздар мен жүлдегерлерге арнайы дипломдар  және сыйлықтар табыс етілді. Бұл спорттық іс-шара оқушылардың салауатты өмір салтын ұстануына ынталандырып, дене тәрбиесіне қызығушылығын арттыруда маңызды рөл атқарады.