🔰«Менің Қазақстаным» - Гимн орындау, ұлттық киім кию, ұлттық тағамдарды таныстыру челленджі

Мақсаты:

Жас ұрпақтың отаншылдық рухын арттыру, Қазақстан Республикасына деген сүйіспеншілікті насихаттау, ұлттық құндылықтар мен ұлттық рухты дәріптеу, Республика күні мерекесі арқылы оқушылардың отансүйгіштік сезімін арттыру, ел тарихы мен мәдениетіне құрмет сезімін қалыптастыру.

Іс-шараның мазмұны:

«Менің Қазақстаным» атты сыныптан тыс іс-шара – еліміздің тәуелсіздігін, бірлігін және мәдени байлығын дәріптеуге арналған шығармашылық сипаттағы челлендж. Шара барысында оқушылар:

•Қазақстан Республикасының Мемлекеттік Гимнін орындап, елге деген патриоттық сезімдерін білдіреді;

• Ұлттық киімдер киіп, қазақ халқының салт-дәстүрі мен мәдени мұрасын насихаттайды;

• Ұлттық тағамдарды таныстырып, олардың шығу тарихы мен маңызын баяндап, ұлттық асхана құндылығын көрсетеді.

Күтілетін нәтиже:

• Оқушылар мен жастардың патриоттық сезімі күшейеді;

• Ұлттық мәдениет пен дәстүр кеңінен насихатталады;

• Цифрлық ортада оң имидж қалыптасады және шығармашылық белсенділік артады.

Оқушылар өз елінің мәдениеті мен тарихын тереңірек танып, ұлттық құндылықтарды қастерлеуге, отанға деген сүйіспеншілік пен мақтаныш сезімін нығайтуға мүмкіндік алады. Ұйымдастырған 3 «А» сынып жетекшісі: Бейсенова С.А.