🇰🇿🇰🇿🇰🇿«Республикам - мақтанышым» мерекелік іс-шарасы

Құндылығы: "Тәуелсіз және отаншылдық"

Индикаторы: Туған елге сүйіспеншілігін білдіре алу, Қазақстанның мемлекеттік рәміздерін құрметтеу, мемлекеттік мерекелердің мәнін түсіну.

Республика күні – халқымыздың рухын көтеріп, елдігімізді нығайтатын, бірлігімізді бекемдеп, ынтымағымызды арттыратын, ұрпақ санасында отансүйгіштік қасиетті, елдік рух пен ұлттық ұстанымды бекемдей түсетін айшықты мереке.

Тәуелсіздік – бұл біздің ұрпақтарымыздың арманы, тарихымыздың асыл мұрасы. Бұл күн – еліміздің тәуелсіздігі мен бірлігінің символы.

25қазан – Республика күніне орай "Республикам-мақтанышым!" атты мерекелік іс-шара ұйымдастырылды. Атаулы күнді қарсы алуда оқушылар өнерінен өрілген мерекелік іс-шара ұйымдастырылып, сахнада ел, жер туралы ән шырқалып, би, қойылымдар көрсетіліп, Отанға деген махаббатты бейнеледі.

Мектеп директоры Нуралиева Динара Хатамовна ұстаздар мен оқушыларды мерекемен арнайы құттықтап, жылы лебізін білдіріп, еліміздің басты мерекесі қарсаңында олимпиадада орын иеленген оқушыларымыз бен ұстаздарды салтанатты түрде марапаттады.