«Республикам – мақтанышым» мерекелік іс-шарасы

«Республикам – мақтанышым» атты мерекелік іс-шара – Тәуелсіз Қазақстан Республикасының жетістіктерін, ұлттық құндылықтарын, ел бірлігін және жас ұрпақтың отансүйгіштік рухын дәріптеуге арналған мәні терең, мазмұны бай мәдени шара. Бұл іс-шараның басты мақсаты – оқушылар мен жастардың бойында өз Отанына деген мақтаныш сезімін оятып, елінің тарихын, мәдениетін, мемлекеттік рәміздерін құрметтеуге тәрбиелеу.

Іс-шара барысында Қазақстанның тәуелсіздік жылдарындағы жетістіктері мен даму жолы туралы көріністер қойылып, патриоттық әндер мен өлеңдер шырқалды. Сонымен қатар, еліміздің айбынды Туы, еңселі Елтаңбасы мен асқақ Әнұранының мәні мен маңызы туралы мазмұнды баяндаулар мен көркем композициялар ұсынылады. 

Оқушылар ел тарихынан сыр шертетін сахналық көріністер, би және театрландырылған қойылымдар арқылы өз елінің өткені мен бүгініне көз жүгіртіп, болашағына сеніммен қарайды.

«Республикам – мақтанышым» мерекесі – тек мерекелік бағдарлама емес, бұл – елін сүйген жас ұрпақтың жүрек лүпілі, рухани жаңғыруға жол ашатын тағылымды тәрбие сағаты. 

Шараның мазмұны ұлттық рухты көтеріп, елдік сананы қалыптастыруға бағытталған. Ол әрбір оқушыға өз елінің тәуелсіздігі мен бейбіт өмірінің қадірін сезіндіреді, еліміздің гүлденуіне өз үлесін қосуға ынталандырады.

Мерекелік іс-шара  ел бірлігін, достық пен татулықты дәріптейтін оқушылардың отансүйгіштік сезімдерін білдіреді.