«Әдепті қыз – әдемі қыз» тренинг - пікірталас

Қыз балалардың бойына әдептілік, инабаттылық, сыпайылық қасиеттерін қалыптастыру, өзін-өзі дұрыс ұстауға, сырт келбеті мен ішкі мәдениетін үйлестіруге баулу, сыныптағы қыздар арасындағы достық, өзара сыйластықты арттыру мақсатында «Сырғалым» қыздар клубы аясында «Әдепті қыз – әдемі қыз» тренинг – пікірталас ұйымдастырылды.

 Тренинг барысында әр қатысушы гүл бейнесіндегі стикерге өз есімін жазып, айналасында өзіне тән жақсы қасиеттерін (мысалы: мейірімді,  еңбекқор, сыпайы т.б.) көрсетті. Сосын бір-біріне гүлдерін сыйлап, жылы лебіздерін білдірді.

«Гүл шоғын сыйлайық» танысу жаттығуы,  «Инабаттылық» және «Сұлулық» тобына бөлініп «Қызды сұлу ететін – сыртқы келбеті ме, әлде әдептілігі ме?» пікірталасын ұйымдастырды. 

«Қыз баланың әдеп ережелері», «Қыз баланың ішкі және сыртқы сұлулығы» туралы постер әзірлеп, қыздар өз ойларымен бөлісті.

Қыз баланың ішкі және сыртқы сұлулығы туралы постер әзірлеп, «Сиқырлы айна» жаттығуында айнаға қарап, өзіне комплимент немесе «Мен мейірімдімін», «Мен әдептімін», «Менің жүрегім таза» жылы сөздеруін айтып, әдепті қыз – әдемі қыз тренингі қорытындыланды.