Құрметті ата-аналар!

 Балаларыңыздың жолдағы қауіпсіздігі – сіздің жауапкершілігіңіз!

 Балалар жолда жиі жазатайым оқиғаларға ұшырайды. Мұндай жағдайлар көбіне – жолда жүру ережелерінің балаға дұрыс түсіндірілмеуінен орын алады.

 Сізге арналған 10 маңызды ереже:

Өз үлгіңізбен тәрбиелеңіз – Балалар ересектердің әрекетін қайталайды. Жол ережесін алдымен өзіңіз сақтаңыз.

Қауіпсіз маршрутты бірге анықтаңыз – Мектепке және үйге қайтар жолда қауіпсіз бағытты бірге жүріп, үйретіңіз.

Бағдаршам ережесін түсіндіріңіз – Жасыл жарық жанбайынша жолды кесіп өтпеуді балаға нақты түсіндіріңіз.

Жаяу жүргіншілер өткелін ғана пайдалануға дағдыландырыңыз.

Телефон қолданбауын ескертіңіз – Көшеде келе жатып, телефонға алаңдау – өте қауіпті екенін түсіндіріңіз.

Қараңғы уақытта жарық шағылыстыратын киім мен элементтерді қолдануға дағдыландырыңыз.

Қоғамдық көлік маңында барынша абай болуды үйретіңіз.

Ауладан немесе көше қиылысынан шығарда тоқтап, жан-жағына қарау керектігін үйретіңіз.

Велосипед пен самокат тепкенде қорғаныс құралдарын (шлем, тізеқап, шынтаққап) міндетті түрде қолдануын қадағалаңыз.

Егер балаңызды көлікпен тасымалдасаңыз, қауіпсіздік белдігін тағып, арнайы балалар орындықтарын пайдаланыңыз.

 Есіңізде болсын:

Баланы қорғаудың ең тиімді жолы — алдын алу және жақсы үлгі көрсету.

 Ата-ана ретінде сіздің белсенділігіңіз – бала өмірінің қауіпсіз кепілі!