«VOCAL VIBES – ӘН МЕН ЭМОЦИЯ ШАЙҚАСЫ» караоке

2025 жылдың 9 маусым күні мектеп жанындағы «Достық» жазғы лагерінде «ARTland: Қиял мен өнер патшалығы» шығармашылық күні аясында ерекше форматтағы музыкалық іс-шара — «Vocal Vibes – Ән мен эмоция шайқасы» өтті.

Іс-шараға 11-15 отрядтардан құралған командалар қатысты.  Іс-шараның мақсаты – қатысушылардың музыкалық қабілетімен қатар, сахнада эмоцияны жеткізе білу шеберлігін дамыту, шығармашылық еркіндік пен импровизацияны қолдау болды.

Өткізілу форматы:

Әр команда кездейсоқ жолмен ән жазылған карточка таңдап алды.

Ән орындалып жатқан сәтте жүргізуші түрлі эмоцияларды білдіретін смайликтер көрсетті (мысалы: қуаныш, қайғы, таңғалу, ашу, күлкі).

Қатысушылар әнді тоқтатпай, көрсетілген эмоцияларға сай шынайы сезіммен орындауы тиіс болды.

Іс-шара өте көңілді әрі шабытқа толы атмосферада өтті. Қатысушылар өз өнерлерін сахнада шынайы эмоциялармен өрнектеп, көрермендердің зор қошеметіне ие болды. Балалар өз шығармашылықтарын ашып, сахналық еркіндік пен серпінге ие болды.