⚜️⚜️⚜️«ДАЛА ҮНІ» ұлттық әндер байқауы

2025 жылдың 10 маусымында мектеп жанындағы «Достық» жазғы лагерінде «Дала үні» атты ұлттық әндер байқауы өткізілді. 

Мақсаты:

Ұлттық мәдениетті, соның ішінде дәстүрлі қазақ ән өнерін насихаттау, өскелең ұрпақтың бойында рухани байлықты сіңіру, әншілік қабілетін ұштап, сахналық мәдениетін арттыру.

Байқауға келесі отрядтар қатысты:

Космос отряды

Жалын отряды

Феникс отряды

Қыран отряды

Барсы отряды

Әр команда өз таңдауындағы ұлттық әндерді орындап, көрермен қауымға әсерлі әрі мағыналы өнер көрсетті. Байқау барысында қатысушылардың дауыс мәнері, сахналық мәдениеті мен көркемдік шеберліктері қазылар алқасы тарапынан жоғары бағаланды. Қазылар алқасы шешім қабылдап жатқан уақытта көрермендермен «Иә/Жоқ» атты танымдық ойын өткізілді. 

Бұл ойын балалардың ойлау қабілетін шыңдап, танымдық белсенділігін арттыруға бағытталды. Қатысушылар ойын барысында белсенділік танытып, сәтті эмоциялармен бөлісті.

Байқау соңында барлық қатысушыларға алғыс айтылып, үздік өнер иелері марапатталды.