2022 жылдың сәуір-тамыз аралығындағы шомылу маусымы кезеңіндегі қауіпсіздік іс-шараларын жүргізу жоспарына сәйкес 17.05.2022 ж

 Төтенше жағдайлар қызметінің құтқарушы қыметкерлері М.Тұрғынбетов, А.Кенжегараев, А.Жұман, С.Сынықбеков, Өрт сөндіру қызметінің маманы, Тараз қаласы білім бөлімінің бас маманы Қ.И.Үкібасовтың қатысуымен  5-11 сынып оқушыларына ақпараттандыру жұмысы жүргізілді. Шараға 800 жуық оқушы мен мектеп мұғалімдері қатыстырылды.

Төтенше жағдайлар қызметінің мамандары Әкімшілік құқық бұзушылық туралы заңының  364-бабын, яғни Ортақ су пайдалану қағидаларын бұзу,  тыйым салынған жерлерде шомылу заң алдындағы жауапкершілікке алып келетіндігін түсіндірді.

Сонымен қатарТалас өзенінің бойында шомылуға тиым салынғандығын  және  Тараз қаласы бойынша 47 шомылуға арналған арнайы бассейн қызмет көрсететіндігі айтылды. Жаз мезгілінде арнаулы бассейндерге баруға кеңес берілді. 

Тараз қаласы білім бөлімінің бас маманы Қ.И.Үкібасов оқушыларға, шомылу маусымында құқық бұзушылық әрекеттерге бармай, бос уақытын дұрыс пайдалануға кеңес берді. Сонымен қатар әр  баланың өміріне ата-анасы тікелей жауапты екендігін қоса айтып, оқушыларға өз іс-әрекеттеріне жауапты болуға кеңес берді.

Аталған шара оқушылардың қатысуымен Талас өзенінің бойындағы қауіпті аймақтарға шолу жасаумен жалғасты.  Мамандар тарапынан суға кеткен адамға алғашқы көмек көрсету бойынша оқу жаттығуы көрсетілді.