🔵 ҚАУІПСІЗ ҚОҒАМ – БАРШАМЫЗҒА ОРТАҚ МІНДЕТ!

12.11.2025 жылы №34 орта мектебінде «Жасөспірімдердің қылмысқа тартылуы: себептері мен алдын алу шаралары» тақырыбында маңызды кездесу өтті. Іс-шара «Қауіпсіз қоғам» жобасы аясында ұйымдастырылып, оқушыларға құқықтық мәдениетті қалыптастыру және құқық бұзушылықтың алдын алу мақсатында өткізілді.
Кездесуге Жібек жолы әкімшілік аппаратының Ұйымдастыру және құқықтық қамтамасыз ету бөлімі басшысының м.а.
Сәкен Мырзабай Нұрмаханұлы, сондай-ақ №34 орта мектебінің ДҚТІЖО
Умбетбаева Зарина Әлиқызы қатысты.
Спикерлер ҚР Қылмыстық кодексінің зорлық-зомбылық, есірткі құралдарын тарату, қоғамдық тәртіпті бұзу және басқа да құқықбұзушылықтарға қатысты негізгі баптарын түсіндіріп, жасөспірімдерді қылмыстық әрекеттерге тартудың салдары туралы жан-жақты ақпарат берді.
Оқушылармен ашық пікірталас жүргізіліп, нақты өмірден мысалдар келтіріліп, қылмыстың алдын алу жолдары, қауіпсіз ортаны қалыптастырудағы әрбір жасөспірімнің рөлі түсіндірілді.
Іс-шара жасөспірімдердің құқықтық сауаттылығын арттыруға, жауапкершілік сезімін қалыптастыруға және қауіпсіз қоғам құруға бағытталған маңызды қадам болды.
🔹 Қоғам қауіпсіздігі – әрбірімізден басталады!
🔹 Балаларымыздың болашағы үшін бірге жұмыс істейміз!
#Адал_азамат