🔰1 маусым – Балаларды қорғау күні! Балауса балалық шақ, шаттық пен қуаныш сыйлайтын мереке – жаздың алғашқы күні.

🔰Баршамызды бала тілімен баурайтын,
Бала деген бір бақыт қой самғайтын.
Ата - ананың арманы мен тілегін,
Бала емес пе?, бал бұлақтан жалғайтын.

 Бала – өміріміздің жалғасы, көзқуанышымыз. Ұлттың ертеңі. Сенімді тірегі. Бейбіт елде қашанда баланың риясыз сыңғырлаған күлкісі естіледі. Сәбидің сыңғыр күлкісі әлемді жамандық атаулыдан қорғап, шуақты нұрын шашады.
Бұл күннің басты мақсаты  - қоғамда балаларға ерекше қамқорлық көрсетіп, әркез мейірім мен махаббатқа бөлеп өсіру. Бейбітшілікте шад-шадыман күн кешіп жүрген әрбір баланың келешегі жарқын болары анық. Баланы махаббатпен тәрбиелеп, өсіру оның келешегіне тікелей әсер етеді. Балалық шағы қызық әрі көңілді өткен баланың өмірге деген көзқарасы өзгеше әрі жарқын болады. Осы мақсатта Тараз қаласы №34 орта мектебінде мерекемен тұспа-тұс келген күнде мектеп жанындағы «Достық» жазғы лагерінің ашылу мерекесі өткізілді. Мерекеде жаз ханшайымы мен сайқымазақ балаларға тамаша көңіл-күй сыйлады. Сондай-ақ, мереке қарсаңында әр жасаққа бір доп пен секіргіштер сыйға тартылды. БАЛАЛАР КҮНІ ҚҰТТЫ БОЛСЫН!!!
Тараз Қаласы Тәрбие Жұмысы