«Достық дастарханы»

Аналар мектебі аясында «Асыл аналар» клубының іс-шаралар жоспарына сәйкес Тараз қаласы ата-аналар комитетінің төрайымы Ғалия Орынбайқызы, ата-аналар және мектеп оқушыларының (қыз балалар) қатысуымен еркін форматта «Достық дастарханы» атты ана мен қыз бала арасындағы тәрбие ізгілігіне арналған шеберлік сағаты ұйымдастырылды.

Іс-шараның мақсаты: білім ордасында «Мәдениетті ана – мәдениетті ұлт» демекші еліміздегі өзге этностардың әдет-ғұрыптары мен салт-дәстүрлерін, ұлттық тағамдарын жаңғырту, басқа ұлттарға қазақ халқының ұлттық тағамдары мен дәстүрлерін дәріптеп, оны өскелең ұрпаққа – жас қыздарға насихаттау, халықты бірлікке, ынтымаққа шақыру, жастарды достық қарым-қатынаста болуға баулу. 

№34 орта мектебінде түрлі ұлт өкілдері білім алады. «Достық дастарханы» шеберлік сағатында біздің білім ордасында білім алып отырған ұлт өкілдерінің яғни ана мен қыз арасындағы тәрбиелік мәдениетті ұштастыру үшін ұлттық тағамдарының дайындалуын, әзірленуін аналары қыздарына көрсетіп, үйретті. Шеберлік сағатында мектеп оқушылары қызығушылық танытып, өзі орыс ұлты болса да мемлекеттік тілді еркін меңгерген  Казаченко Зинаиданың әзірлеген тұшпараларын түйіп үйренді. 

Қыз баласын қалай тәрбиелеу керек, дастарқан басында шәйді қалай құйып, оны қалай және кімге бірінші ұсыну керек екені туралы мектебіміздің қамқоршылқ кеңесінің төрайымы Берікбаева Зарина Нұрланқызы көрсетіп, түсіндіріп айтып берді. Әр ұлт өкілдері өзінің дәстүріне сай тағам әзірлеп, қыз бен ана болып іс-шараға қатысқаны үшін директордың арнайы алғыс хатымен марапатталды. Іс-шараға белсене атсалысқан ата-аналарға алғыс білдіреміз!