«Табиғатқа қамқорлық жасаймыз» акциясы

«Қамқор» жобасы аясында ұйымдастырылған «Табиғатқа қамқорлық жасаймыз» акциясы оқушылардың экологиялық мәдениетін қалыптастыруға бағытталды. Акция барысында оқушылар түрлі қалдық материалдарды тиімді пайдаланудың үлгісін көрсетті. Қағаз, картон, мақта және тұрмыстық қалдықтардан әртүрлі әсем бұйымдар, қолөнер заттары мен шығармашылық жұмыстар жасалды. Бұл жұмыстар оқушылардың қиялын дамытып қана қоймай, табиғатты қорғауға деген жауапкершілігін арттырды. Әрбір жасалған бұйымда балалардың табиғатқа деген сүйіспеншілігі мен жанашырлығы айқын көрініс тапты.

Акцияның негізгі мақсаты – қоршаған ортаны қорғаудың маңызын оқушылардың санасына сіңіру, қалдықтарды қайта өңдеу арқылы табиғатты аялауға тәрбиелеу, экологиялық сауаттылықты арттыру және жас ұрпақты табиғатқа жанашыр, жауапкершілігі жоғары азамат етіп қалыптастыру. Сонымен қатар, оқушылардың шығармашылық қабілетін дамытып, ұқыптылық пен үнемшілдікке баулу көзделді.

Іс-шара 4 «А» сыныбында ұйымдастырылды. Сынып жетекші:

Аштаева К.К.