«Super-Vibe: Жаңа тыныс» 

«Достық» жазғы лагерінің 2-маусымының салтанатты ашылуы

Мақсаты: балалардың шығармашылық қабілеті мен қиялын дамыта отырып, бірлескен жұмыс арқылы оқушылар арасындағы достық қарым-қатынасты нығайту және лагерьдің 2-маусымын көңілді, жағымды атмосферада бастау.

Жаздың шуақты күнімен бірге «Достық» жазғы лагерінің асыға күткен екінші маусымы өз шымылдығын түрді. Балалардың сыңғырлаған күлкісі мен қуанышына толы бұл салтанатты күн нағыз өнер мен шығармашылықтың мерекесіне айналды.

Ашылу салтанаты аясында балалар лагерь ауласындағы асфальт бетіне түрлі-түсті борлармен өздерінің жарқын жазғы көңіл-күйлерін бейнелеп, сурет салды. Сонымен қатар, лагерьде ұйымдастырылған арнайы көрменің алдында оқушылар ақ парақтарға еркін тақырыпта өз қиялдарынан туған туындыларын салып, ерекше белсенділік танытты. Бұл ерекше күн балалардың жүрегіне жылылық ұялатып, жаңа маусымның сәтті әрі қызықты өтуіне тамаша бастама болды.