🔰«Тарих» пәнінің ӘБ мұғалімдерінің ұйымдастыруымен 18 желтоқсан 2025 жылы Халықаралық адам құқығын қорғау күніне орай “Адам құқығы – ең қымбат қазына” және кәмелетке толмағандар арасындағы құқық бұзушылықтың алдын алу тақырыбында

«Тарих» пәнінің ӘБ мұғалімдерінің ұйымдастыруымен 18 желтоқсан 2025 жылы Халықаралық адам құқығын қорғау күніне орай “Адам құқығы – ең қымбат қазына” және кәмелетке толмағандар арасындағы құқық бұзушылықтың алдын алу  тақырыбында, Тараз қаласы құқық қорғау орган қызметкерлерінің қатысуымен дөңгелек үстел өтті.  

Дөңгелек үстелге Тараз қаласы ПБ 2-Пб аға лейтенанты,учаскелік инспекторы Абдралиев А.К. ДҚТІЖО, ДТІЖО, тарих  ӘБ мұғалімдері, мектеп психологы, 8-10 сынып оқушылары қатысты.

Қазақстанның тәуелсіздік алған сәтінен бастап адам құқықтарын қорғау мәселесіне ерекше назар аударылып келеді. Елдің құқықтық негіздері, әсіресе Конституция, адам құқықтарын қорғау саласындағы басты құжат болып табылады. 1995 жылы қабылданған Ата Заңымызда мемлекетіміздің демократиялық, зайырлы, құқықтық және әлеуметтік мемлекет ретінде орнығатыны атап көрсетілді. Оқушылар  ҚР Конституциясындағы адам құқықтарына қатысты негізгі қағидаларға қысқаша шолу жасап шықты (1,2,12,14-20 баптар)

Тараз қаласы ПБ 2-Пб аға лейтенанты, учаскелік инспекторы Абдралиев Асылбек Киргизбаевич  оқушыларға ҚР Қылмыстық кодексіндегі жасөспірімдер арасында жиі кездесетін құқық бұзушылықтар, атап айтқанда – зорлық-зомбылық, есірткі құралдарын сақтау, тарату, киберқылмыс, буллинг және алаяқтық баптары түсіндірілді. Әр баптың нақты мазмұны мен құқықтық жауапкершілік түрлері ашық, нақты мысалдармен жеткізілді. 

Оқушыларға шындыққа сәйкес келмейтін, арандатушылық сипаттағы ақпараттармен бөлісу, тарату, сондай-ақ интернет желісінде қауіпсіздік ережелерін сақтамау – құқық бұзушылыққа әкеп соқтыратыны айтылды. Оқушылар өз тарапынан сұрақтар қойып, заң аясында кеңес алды.

ДҚТІЖО З.Ә.Умбетбаева оқушылардың қауіпсіз ортада білім алуына жағдай жасау, мектеп тәртібін сақтау және жауапкершілік сезімін қалыптастыру мақсатында қосымша мәліметтер берді.

Мектеп психологы   оқушылармен психологиялық  ойындар ойнатып жақсы эмоционалды көңіл-күй орнатты.