«Мен саған ризамын, себебі…» алғыс айту челленджі 

 «Мен саған ризамын, себебі…» челленджі – оқушылардың бір-біріне, ұстаздарына, ата-аналарына немесе мектеп қызметкерлеріне шынайы алғыс білдіруі арқылы ризашылық сезімін көпшілікке үлгі етті. Қарапайым ғана сөздің жүректен жүрекке жылу сыйлайтын құдіреті бар екені осы іс-шара барысында айқын сезілді. Әр оқушының шынайы лебізі айналасына мейірім шуағын шашып, мектеп ішінде өзара түсіністік пен сыйластықтың артуына ықпал етті.

Челлендж барысында айтылған әрбір алғыс сөзі – құр сөз емес, ол – құрметтің, кішіпейілділіктің, адамгершіліктің көрінісі. Балалар өз достарына қолдауы үшін, ұстаздарына білімі мен тәрбиесі үшін, ата-аналарына қамқорлығы мен махаббаты үшін ризашылықтарын білдірді. 

Алғыс айту – үлкен мәдениет, ол адамды кішіпейілдікке, қамқорлыққа, шынайылыққа тәрбиелейді.

Жүректен шыққан алғыс – адам жанын нұрландыратын ең әдемі сый.