Бір шаңырақ астында: Бірлік пен Береке салтанаты

1 мамыр — Қазақстан халқының бірлігі күні аясында өткен шара достықтың киелі мекеніне айналды. «Бір шаңырақ астында» – тағдыр тоғыстырған түрлі ұлт пен ұлыстың жүрегін жақындастырып, ортақ Отанға деген сүйіспеншілігін ұштастыратын рухани белес. 

 Іс-шараның мақсаты — келер ұрпақтың бойына ел бірлігі, татулық пен достық құндылықтарды қалыптастыру, әртүрлі ұлттардың сан қырлы мәдениеті мен терең дәстүріне құрметпен қарау, жас ұрпақтың бойында отансүйгіштік рухты ояту, бейбітшілік пен тұрақтылықты бағалай білетін азаматтық жауапкершілікті қалыптастыру көзделді.

«Бірлік бар жерде — тірлік бар» деген аталы сөзді ұран еткен оқушылар өз өнерлері арқылы ынтымақты, татулықты, бірлікті, достықты паш етті. Мереке аясында ұлттық киімдер шеруі, халықтар достығын дәріптейтін шығармашылық қойылымдар, патриоттық әндер мен билер орындалып, көрермендерге ерекше әсер сыйлады.

Тәрбиелік мәні мен маңызы:

Жас ұрпақтың санасына бірлік идеясын — айнымас темірқазық, мәңгілік құндылық ретінде орнықтыруды көздеген бұл шара тәрбиелік маңызымен құнды.

Біздің күшіміз — бірлікте, байлығымыз — берекеде! Ортақ шаңырағымыз биік, босағамыз берік болсын!