«Зверополис» құқық қорғау органдарының жұмысы жайлы мультфильм

2025 жылдың 13 маусымында мектеп жанындағы «Достық» жазғы демалыс лагерінде балаларға арналған «Зверополис»  атты анимациялық мультфильм көрсетілді.

Шараның мақсаты – балаларға құқық қорғау органдарының қызметі, әділеттілік, теңдік, батылдық туралы ұғымдарды көркем түрде түсіндіру болды.

Мультфильм барысында лагерь тәрбиеленушілері басты кейіпкерлер – қоян Джуди Хоппс пен түлкі Ник Уайлдтың әділет жолындағы күресімен танысты. Олар өз армандарын жүзеге асырып, қиындықтарға қарамастан құқық пен шындықты қорғау жолында табандылық танытты.

Көрсетілімнен кейін балалар арасында қызықты пікір алмасу өтті. Тәрбиешілер оқушылармен бірге мультфильмдегі құқықтық мәселелерді талқылап, құқық қорғау мамандықтарының қоғамдағы рөлі туралы ой бөлісті. Оқушылар мультфильм кейіпкерлерінен үлгі алып, өз құқықтарын білу мен қорғаудың маңыздылығын түсінді.