☘️☘️☘️«Еңбегі адал жас өрен» жобасы аясында «Күзгі асар» көрме-жәрмеңкесі

Іс-шараның мақсаты:

«Күзгі асар» көрме-жәрмеңкесі – оқушыларды еңбекке баулу, өз еңбегінің нәтижесін бағалауға үйрету, қолөнер бұйымдарын насихаттау, сонымен қатар әлеуметтік қолдау көрсету және ынтымақ пен бірлікті нығайту мақсатында ұйымдастырылды. Бұл жоба жас ұрпақтың бойында адал еңбекке, кәсіпкерлікке және қоғамдық белсенділікке деген қызығушылығын арттыруға бағытталған.

Қатысушылар:

Іс-шараға мектеп оқушылары, ата-аналар, сынып жетекшілері, педагогтар қатысты. 1-3 сыныптар көрмеге қолөнер бұйымдарын, көкөністерден жасалған ерекше композициялармен ұсынды. 4-7 сыныптар өз өнімдерімен, қолдан жасалған бұйымдармен, күзгі жемістер мен жәрмеңкеге белсене қатысты.

Өткізілу форматы:

• Әр сыныпқа жеке үстел мен орын бөлінді;

Оқушылар өз қолдарымен өсірген, әзірлеген өнімдерін сатылымға қойды;

Жәрмеңке барысында ұлттық тағамдар, табиғи шырындар, тосаптар, кептірілген жемістер, қолөнер бұйымдары, сәндік композициялар ұсынылды.

Нәтижесі мен маңызы:

Оқушылар өз еңбектерінің нәтижесін бағалауды үйренді;

Еңбекке деген қызығушылық пен ынта артты;

Қоғаммен байланыс орнады, ата-аналар белсенділік танытты.

«Күзгі асар» көрме-жәрмеңкесі — оқушылар үшін тәрбиелік мәні зор, рухани-мәдени құндылықтарды жаңғыртатын және шынайы өмірмен байланыстыратын маңызды іс-шара болды. 

Аталған жоба аясында жас ұрпақ бойына адал еңбекке деген сүйіспеншілік, ұйымшылдық пен жауапкершілік, ұлттық құндылықтарды дәріптеу дағдылары сіңірілді. Көрме-жәрмеңке жоғары деңгейде ұйымдастырылып, барлық қатысушыларға жағымды әсер қалдырды. Белсене қатысқан сыныптар арнайы дипломдармен марапатталды.