"ЖЕТІСТІГІМДІ ЕЛІМЕ АРНАЙМЫН" ЧЕЛЛЕНДЖІ

Әр адамның өмірінде мақсаты мен арманы болады. Біз де мектеп қабырғасында жүріп, өз алдымызға талай арман қойдық. Сол армандарға жету үшін еңбектеніп, үйреніп, тырысып келеміз. Біздің бүгінгі жетістігіміз — жай ғана жүлде немесе диплом емес. Бұл — бізге сенген адамдардың үмітінің ақталғаны, өзімізге деген сенімнің күшеюі.

Біз әрбір қадамымызда ұстаздарымыздың үйреткен білімі, ата-аналарымыздың бізге деген мейірімі мен қолдауы, достарымыздың ынтасы мен жігерін сеземіз. Сол себепті жеткен жетістіктерімізді тек өзімізге ғана емес, бізді қоршаған ортаға, бізді өсірген ортаға арнаймыз.

Біз бүгінгі жетістігімізді өз мектебімізге, ұстаздарымызға және туған елімізге арнаймыз. Біліммен, еңбекпен еліміздің болашағына үлес қосқымыз келеді.