Тараздағы Тұңғыш Президент саябағында Қазақстан Республикасының Мемлекеттік рәміздері күніне орай «Рәміздер рухы – Конституция күші» атты салтанатты жиын өтті.

https://www.instagram.com/reel/DZKSDnNtOXI/?igsh=MW9meWs2eXZ3bTQyNQ%3D%3D

 

Іс-шараға Жамбыл облысының әкімі  Ербол Қарашөкеев, шаһар басшысы Бақытжан Орынбеков, белсенді жастар, спорт саңлақтары мен тұрғындар қатысты. 

Ең әуелі еліміздің көк  Туы көкке көтеріліп, мемлекеттік Әнұран шырқалды. 

Келесі кезекте Ербол Шырақпайұлы жылы лебізін білдіріп, патриотизмді нығайтуға, облыстың қоғамдық-саяси өмірінің дамуына үлес қосқан бірқатар азаматқа арнайы марапаттарды табыстады. 

Мерекелік жиын барысында халықаралық білім, ғылым және шығармашылық бәйгелерінде ел намысын абыроймен қорғап жүрген дарынды оқушылар көпшілікке таныстырылды. Сонымен қатар әлемдік және республикалық ареналарда Қазақстанның көк байрағын желбіретіп жүрген танымал спортшыларға ерекше құрмет көрсетілді. Олардың жетістіктері жас ұрпаққа үлгі ретінде насихатталып, өскелең буынды биік мақсаттарға ұмтылуға жігерлендірді.

Іс-шара аясында өнерлі өрендер мен шығармашыл жастардың қатысуымен патриоттық мазмұндағы  қойылымдар мен әсерлі хореографиялық композициялар ұйымдастырылды. Сондай-ақ «Джитай» спорт клубының спортшылары көпшілікке арнайы көрсетілім ұсынып, жоғары дайындық деңгейі мен шеберліктерін паш етті. 

Шара соңы жергілікті өнерпаздардың концерттік бағдарламасымен түйінделді.