«Қысқы демалыс – қызыққа толы күндер» 

Қысқы каникул кезеңінде ұйымдастырылған мектепішілік «Қысқы демалыс – қызыққа толы күндер» іс-шаралар жоспары аясында 3-сынып оқушылары үшін «Қысқы ертегі» тақырыбында сурет салу іс-шарасы өткізілді. Бұл шығармашылық жұмыс барысында оқушылар өз қиялдарын еркін ұштап, қыс мезгілінің сұлулығы мен ертегілік әлемін сурет арқылы бейнелеуге мүмкіндік алды.

Балалар суреттерінде ақ ұлпа қар жамылған табиғат көріністерін, аязды күннің әсем сәттерін, көңілді қысқы ойындарды, сондай-ақ ертегі кейіпкерлері мен қысқы мерекелердің жарқын сәттерін шынайы ықыласпен көрсете білді. 

Түрлі-түсті бояуларды, қарындаштар мен фломастерлерді шебер пайдалана отырып, әр оқушы өз жұмысына ерекше мән беріп, шығармашылық белсенділік танытты.

Іс-шара барысында оқушылардың өнерге деген қызығушылығы артып, эстетикалық талғамы мен бейнелеу дағдылары дами түсті. Бұл шығармашылық жұмыс олардың бос уақытын тиімді әрі мазмұнды ұйымдастыруға, қиял-ойын кеңейтуге, өз ойын еркін жеткізуге ықпал етті. Сонымен қатар қыс мезгіліне тән әсемдік пен ертегілік атмосфераны сезіну арқылы балалардың өнерге, сұлулыққа деген сүйіспеншілігі нығая түсті.

Сынып жетекші: С.А.Бейсенова