🎊Балалардың шығармашылық қабілеттерін дамыту, қиялын ұштау және жол қозғалысы ережелерін ұғындыру мақсатында 1-сынып оқушылары арасында «Қысқы ғажайыптар» атты сурет көрмесі ұйымдастырылды.

Балалардың шығармашылық қабілеттерін дамыту, қиялын ұштау және жол қозғалысы ережелерін ұғындыру мақсатында 1-сынып оқушылары арасында «Қысқы ғажайыптар» атты сурет көрмесі ұйымдастырылды. Аталған көрме балалардың өнерге деген қызығушылығын арттырып қана қоймай, жол қауіпсіздігіне деген жауапкершілік сезімін қалыптастыруды көздеді.

Көрме барысында әрбір оқушы өз қиялы мен шығармашылық мүмкіндігін пайдалана отырып, қыс мезгілінің көріністерін және жол қозғалысы ережелерін насихаттайтын мазмұнды суреттерін ұсынды. Қарлы ауа райы бейнеленген жұмыстарда жол белгілері, бағдаршамдар, қауіпсіздік ережелері, жаяу жүргіншілердің дұрыс жүріс-тұрысы айқын көрініс тапты. Балалар суреттер арқылы жолдан өту кезінде сақ болу, қысқы тайғақ жолда абайлап жүру, жол ережелерін сақтау қажеттігін әсерлі түрде көрсете білді.

Оқушылардың еңбектері олардың қоршаған ортаны қабылдауын, сезімін және шығармашылық қабілеттерін айқын көрсетті. Кейбір суреттерде мектепке апаратын жолдағы қауіпсіздік шаралары бейнеленсе, енді бірінде қысқы ойындар кезінде жолға жақын жерде ойнамау, сақтық сақтау көріністері суреттелді. 

Әрбір жұмыс баланың жол қауіпсіздігі туралы өзіндік түсінігі мен ой-пікірін жеткізді.

Көрмеге қатысқан барлық оқушылар белсенділік танытып, өз туындылары арқылы тек қана өнерін ғана емес, жол қозғалысы ережелерінің маңыздылығын да көрсете алды. Аталған іс-шара балалардың бойында жауапкершілік сезімін оятып, қауіпсіздікке мән беруге, жол ережелерін күнделікті өмірде сақтауға тәрбиелеуге үлкен үлес қосты.