«Smart bala» жобасы аясында 5–6 сынып оқушылары арасында «Шахмат ойнаймыз» челленджі ұйымдастырылды. 

Челлендждің негізгі мақсаты – оқушылардың зияткерлік қабілеттерін дамыту, логикалық ойлауын жетілдіру, стратегиялық жоспар құру дағдыларын қалыптастыру, сондай-ақ бос уақыттарын тиімді әрі пайдалы өткізуге баулу.

Аталған челлендж барысында оқушылар шахмат ойынының негізгі ережелерімен танысып, өзара сайысқа түсіп, ойын арқылы ойлау шапшаңдығын, шыдамдылық пен тапқырлық қасиеттерін көрсете білді. Сонымен қатар, бұл іс-шара оқушылар арасында достық қарым-қатынасты нығайтып, салауатты бәсекелестік ортаны қалыптастыруға ықпал етті.

Челленджге 5–6 сынып оқушылары белсенді қатысып, өздерінің білімдері мен шеберліктерін көрсетті, қызығушылығын арттырды.

Жеңімпаздар мен белсенді қатысушылар ерекше атап өтіліп, олардың жетістіктері мадақталды.