🎊Лагердің салтанатты ашылуы «Camp-Fest: Жазғы толқын» концерттік іс-шараның ашылуы

2026 жылдың 1 маусымы — Халықаралық балаларды қорғау күнімен тұспа-тұс келген ерекше мереке күні балалар асыға күткен жазғы демалыстың алғашқы парағын ашты. Таңертеңнен бастап лагерь аумағы балғындардың сыңғырлаған күлкісіне, шаттыққа толы әуендерге бөленіп, айнала ерекше мерекелік атмосфераға енді. 

Мақсаты: Балалардың жазғы демалысын көңілді, мазмұнды әрі белсенді бастау; оқушыларға мерекелік көңіл-күй сыйлай отырып, лагерь ережелерімен және алдағы жоспарлармен таныстыру.

Құндылық: Бірлік және ынтымақ.

Мерекелік іс-шараның алғашқы құттықтау тілегі мектеп директорының жүрекжарды құттықтау сөзімен ашылды. Ол балаларды айтулы мерекемен құттықтап, жазғы демалыстың қызықты әрі қауіпсіз өтуіне тілектестігін білдірді. Сонымен қатар лагерьдің тыныс-тіршілігі, қауіпсіздік ережелері мен алдағы қызықты жоспарлары туралы таныстырып өтті.

Мерекелік бағдарлама барысында сахна төрінде достықты, балалық шақтың бақытын және жаздың жарқын сәттерін жырлаған әсем әндер шырқалды. Өнерлі оқушылар орындаған мың бұралған билер көрермендердің ыстық ықыласына бөленіп, көтеріңкі көңіл-күй сыйлады.