Мектеп жанындағы «Достық» жазғы лагерінде оқушылардың мәдени-эстетикалық тәрбиесін дамыту, бос уақытын тиімді ұйымдастыру және танымдық қызығушылығын арттыру мақсатында оқушыларды циркке саяхат ұйымдастырылды.

Цирк бағдарламасы барысында оқушылар әртүрлі жанрдағы қызықты қойылымдарды тамашалап, акробаттардың шебер өнеріне, сайқымазақтардың көңілді көріністеріне және жануарлар қатысқан нөмірлерге үлкен қызығушылық танытты. Іс-шара балалардың көтеріңкі көңіл-күйде демалуына, эстетикалық талғамының қалыптасуына және өнерге деген сүйіспеншілігінің артуына ықпал етті.

Саяхат барысында оқушылар қоғамдық орындардағы тәртіп ережелерін сақтап, өздерін мәдениетті әрі жауапкершілікпен ұстады. Циркке бару балаларға ерекше әсер сыйлап, олардың жазғы демалысын мазмұнды әрі есте қаларлықтай өткізуіне мүмкіндік берді. Іс-шара өз мақсатына толық жетіп, оқушылардың танымдық және мәдени дүниетанымын кеңейтуге оң әсерін тигізді.